Þá er það ákveðið ...

Hjúkrunarfræðin er það !

Ég er búin að vera velta því fyrir mér síðustu 4 mánuði hvað ég ætti nú að fara í í háskóla hérna í Danmörku, og ég held ég hafi bara ALDREI þurft að taka jafn stóra ákvörðun áður.

Í fyrstu var það læknirinn. Þegar ég áttaði mig á því að ég kæmist ekki inn nema kannski með að taka prófið fyrir að læra í Ungverjalandi þá fannst mér það ekkert nema glatað. Ágætur vinur minn minnti mig þá á alla ókostina við það að vera læknir og þar með langaði mig bara ekkert að vera læknir - ég var víst bara að hugsa um launin

Svo fór ég í það að hugsa að ég gæti nú alveg verið Hjúkrunarfræðingur - en nei .. það var víst ekki nógu gott fyrir mig. Það er ekkert súper vel borgað og bara leiðinlegt. ÉG var víst greinilega bara ennþá fúl yfir að komast ekki í lækninn

Ég skoðaði svo ALLT sem kennt er hérna í Danmörku sem tengist hjúkrun / lækna eitthvað, en fann ekkert sniðugt.  Það hentaði bara EKKERT mér oooog hvað geri Lena þá ? 

Ég tók mér smá "pásu" frá því að hugsa um skólann. Ætlaði bara að hugsa um eitthvað allt annað - og það tókst og vá hvað það var gott að hafa engar áhyggjur, ég hafði jú alveg 4 mánuði til að hugsa um þetta.  

1 mánuður leið og ég byrjaði að hugsa um þetta vandamál mitt aftur, en bara frá allt öðru sjónarhorni. Í hverju er ég nú best í út frá námi ? ... Tungumálunum, enda hef ég ótrúlega gaman að því að læra tungumál. Spænska og Enska - enskan myndi í raun henta mér mikið betur upp á allt, en mig langaði samt svolítið mikið í spænskuna. Ég hætti samt að hugsa um spænskuna stuttu seinna  .. og hélt mig bara við enskuna.

Fyrir svona 2 vikum fór ég að hugsa enn og aftur ( enda STÓR ákvörðun - og því eins gott að hugsa sig vel um ) hmm .. kannski spænskan sé bara betri en enskan? Ég verð alltaf yndislega pirruð ef ég veit ekki hvað ég vil ... og þar sem ég passa mig að vera ekki pirruð við fólkið í kringum mig ( enda eiga þau það ekki skilið ) þá var ég bara enn meira pirruð út í sjálfa mig

Ennþá í dag var ég pirruð - vita ekki neitt og búin að drepa vini mína úr leiðindum með að tala um þetta. Ákvað samt í morgun að í dag skildi ég gera eitthvað af viti í skólamálunum. Svo talaði ég við "björgunarmanninn" í dag - hana Júlíönu, sem bjargaði öllu.  ( Takk Júlíana mín )
Hún minnti mig á að mig langaði alltaf í hjúkkuna, að ég hefði svona nokkurn vegin verið búin að ákveða það. Í fyrstu var ég alveg nahhh ... en svo skoðaði ég skólana sem eru í boði og svona. 

Sko mig - fann bara þennan fína háskóla í Köben sem kennir hjúkrunarfræðina sem ég get farið í þannig nú er það bara að klára umsóknina mína og senda hana .. og voila - allt klappað og klárt !  

Efast ekki um að þetta verði spennandi - ég get nefnilega bæði unnið hjá Rauða krossinum og Læknar án landamæra ... Ég hlakka allavega ótrúlega til að klára þetta ( ehm, maður ætti kannski að byrja fyrst ). 

En nú spyr ég ..
Ætli ég sé ekki bara fín í hjúkrunarfræðina?? - eitthvað alveg fyrir mig ? 

Jiii -10°c

Jiii ég sem ætlaði sko þvílíkt að kvarta yfir grenjandi rigningu - sem er ALLTAF þegar ég ætla að fara í bæinn á kvöldin ! Sem þýðir - Lena þarf að kaupa regnhlíf takk fyrir ! =)

 En svo sá ég á mbl að það væri um -10°c frost (heima) á íslandi ... og allt í einu var ég rosa ánægð með 5°c hitann hérna í dk .. þó það væri rigning. Það er samt eins gott að það verði ekki svona kalt þegar ég kem heim í mars ! ... þá fer ég frekar til Írlands með Petru! 

 

það var ekkert smá

það var sýnt beint á TV2 frá þessari stóru einskonar athöfn fyrr í kvöld. Í fyrstu nennti ég engan vegin að horfa á einhverja Dani veifandi þessum stóra fína rauða og hvíta fána sínum að einhverjum bjánum sem stóðu á svölum og veifuðu til baka ... með einskonar gullfati.

Það tók mig allavega smá tíma að átta mig á hvað væri að gerast. Svo lagði ég saman 2 og 2 ( eða kannski 1+1, vildi ekki reyna of mikið á heilann ) og áttaði mig nú á að þarna væru komnir aðdáendur danska handboltaliðsins. Og neinei, þarna voru ekki einhverjar hræður, eins og það hefði verið í vetrargarðinum í smáralindinni, eða kannski fyrir utan Ráhúsið á Íslandi

haha .. væri nú ekki svoldið sniðugt að safna saman ofan á tjörninni í eina svona stóra samkomu??

ÞArna var gjörsamlega troðið!!! Ég bara varð að sita og horfa á þetta, því að ég var bara allt í einu geðveikt stolt. hahhahaha af hverju veit ég nú samt ekki ..

En ég fékk þetta svo allt borgað með RISA flugeldasýningu í endann..

Æji .. það er eiginlega ekki hægt að lýsa svona löguðu nema að hafa verið þarna, sem ég var ekki .. þannig ég er hætt.

Annars 

Til hamingju Danir :)  

Evrópumeisturum fagnað

Sól hjá mér ..

oog nei ég er ekki í Suður Ameríku.

Í gær náði veðurofsinn hér hámarki líka. mér stóð ekki einu sinni á sama .. var nokkuð viss um að húsið myndi fjúka, ... en svo varð ekki Þó fóru nokkrar ruslatunnur á flakk hjá nágrönnum og svona ...

Þegar ég vaknaði í morgun ( þegar Jamal hringdi klukkan 10 á sunnudagsmorgni ), þá hefði ég getað verið á sólríkum stað því sólin skein beint inn ( í augun á dísunni minni reyndar ). Þegar ég loksins kom mér á fætur og leit út um gluggann sá ég þetta "viðundurlega fallega" veður

 Sól og logn

Þannig mín fór út í hjólatúr - alla leiðina út í Super best!  oooog þar með hvarf líka söknuður minn til Íslands .. eftir að hafa lesið allar "góðu" veðursögurnar þaðan. 

og nú viti þið það ... þið þurfið alla vega ekki að hafa áhyggjur af mér í góða veðrinu hér.
( sem ég var samt ekkert of sátt við þegar ég sá allt rykið inni í herberginu
mín þegar sólin skein inn ) 

 

Veðurofsinn að ná hámarki

Ísland - Strikið - Morð !

Svo er það staðfest að ég komi til Íslands þann 15.mars. og það er ekkert fátt sem mig langar svo að gera þegar ég kem - ég ætla allavega að reyna að komast yfir það flest allt.

Snædís og Eiður eru búin að vera slöpp þessa vikuna og því bara verið heima með mér.  Svo fór Snædís í leikskólann í dag en Eiður var bara heima. Þegar við fórum í leikskólann þá stóð öll deildin hennar og var á leið í afmæli, sem Snædís rétt náði að fara með. Vegna veikinda þessa vikuna þá vissum við ekkert að það væri afmælisveisla heima hjá einni stelpunni í dag ( eða ég vissi það alla vega ekki ).

Á leiðinni heim sá ég og Eiður RISA kranabíl sem var að lyfta vöggustofu sem átti að flytja ( ekki hans stofu samt ) skrítið að sjá bara allt í einu ekkert hús þarna þar sem þetta var frekar stórt hús ( 4 einingar - í flutningi ). Held að Eiður hafi nú samt ekkert verið að pæla í því, en hann var nú alveg að fíla "brrrrruuuuuuummmmm" -a  =)

Þó ég hafi farið út síðustu helgi - sem var reyndar ekki fyrirfram ákveðið þá ætla ég að fara í bæinn í kvöld líka. Síðustu helgi fór ég og hitti íslenska stelpu sem er aupair hérna og svo "dró" hún mig með í bæinn í kvöld - vorum þó fyrst í heimahúsi hjá annarri íslenskri stelpu sem var ný flutt hingað.
þar sem ég þekki ekkert voða marga hérna í dk þá hef ég ekkert veri ð að fara neitt í bæinn og svona um helgar - líka ég hafði bara ekki grun um hvernig ég ætti að koma mér heim. En núna hef ég komist að því að það fer næturstrætó heim til mín á klukkutíma fresti frá hálf 2 - hálf 5. Lestin byrjar svo að ganga rétt fyrir 6 á morgnana. Seinustu helgi tók ég lestina hálf 4 og var komin í minn bæ hálf 5. Semsagt 30 mín lengur en venjulega, sem gerði svosem ekki mikið.
Mér hefur aldrei neitt verið voða vel við þá hugsun að labba ein á kvöldin / nóttinni í mið Köben, en ég lét mig hafa það að labba hálft Strikið - ALEIN ! Ég var svo eitthvað að tala við pabba um að það hafi verið svo mikið af fólki að ég var ekki að hræðast neitt. Að sjálfsögðu þurfti pabbi að nefna það við mig " jah, en það var nú bara strákur drepinn þarna um daginn á strikinu"

Hue mordet - ég hafði ekkert heyrt um þetta morð sem pabbi var að tala um og fór þá svona nokkurn vegin í að leita á netinu hvað hafði gerst. Ég man ekki einu sinni eftir að hafa séð frétt um þetta á mbl .. þó ég sé nokkuð viss um að það hafi alveg verið sagt frá þessu einhverstaðar í íslensk fjölmiðlum :P
Það var allavega þannig að það voru einhverjir vinir saman og svo komu þrír strákar að öðrum stráknum og sögðu honum að gefa þeim húfuna hans. Hann sagði nei - sem varð til þess að hann var drepinn... ég neita að trúa að svona laga gerist.

Hér má svo sjá nokkrar greinar um þetta mál - en ég mæli ekki með ef þið eruð viðkvæm, mér finnst þetta allavega alveg rosalega sorglegt.

http://www.bt.dk/article/99999999/krimi/80108047/&template=temaovr&temanr=1959

En já, í kvöld / nótt þá verður ekkert eins auðvelt fyrir mig að fara svona "snemma" þar sem að Petra á heima laaaaangt í burtu frá köben - og enginn strætó gengur heim til hennar .. Frekar mikið fúlt ( fyrir hana ) þannig ætli við verðum ekki bara í bænum til fyrstu lestar ( klukkan 6 ) þar sem ekki fer ég að skilja hana bara eftir þó hún sé fullorðin manneskja. Ég myndi allavega ekki vera neitt mjög sátt ef ég kæmist ekki heim fyrr en 6 og hún færi um 4 =S

 

Oh, ætla fara gera eitthvað af viti.

samkynhneigð og íþróttir

"Hún bætir við að hún sé mikill aðdáandi íþrótta sem samkynhneigðar konur stundi"

Ég neita að trúa að konan hafi sagt þetta? hahahah .. bíddu bíddu. Síðast þegar ég vissi þá hefur það voða lítið að gera með kynhneigð hvaða íþróttir þú mátt stunda og þess háttar.

Ég vil fá einhvern til að nefna eina íþrótt sem BARA samkynhneigðar konu spila ?? .. hún nefnir þó sjálf "golf og veiði". Ég vil þó meina að ég viti til nokkra kvenna sem eru ekki samkynhneigðar  - en stunda nú alveg golf og veiði :)

 

... ekki nema konan sé að leitast eftir því að komast í sturtuklefa - BARA með samkynhneigðum konum?

(láttu sem þú hafir ekki séð setninguna á undan þessari ) 

Hefur meiri áhuga á konum en körlum

í sund ég fer ..

Vinir og kannski örfáir vandamenn hafa að öllum líkindum tekið eftir því hvað ég "kvarta" mikið þessa dagana yfir því að komast ekki í sund hérna þar sem ég bý. Í þessum litla bæ sem ég bý í er ein lítil sundlaug, lítil börn eru EKKI velkomin, og þú mátt aðeins vera í 1klst í einu í sundi. Það er að öllum líkindum ekki þrifið þarna svona eins og heima, og svo er örugglega ekki opið á veturna. ... og það má alveg pottó ekki baða sig berbrjósta í henni !

En hérna er ástæðan fyrir því afhverju mig langar svo í sund - á Íslandi, þegar ég loksins kem þangað. Nú er bara að vonast eftir sól og blíðu í mars ;) haha

"Engar sérreglur eru um baðfatnað kvenna í sundlaugum á Íslandi." - það er samt ein regla - maður verður að vera í baðfötum ( og Guð sé lof - annars væri illt í efni skal ég segja ykkur ) 

 

( en svona fyrir utan það, þá hef ég aldrei skilið umræðuna um það afhverju það megi ekki vera berbrjósta í sundi .. þó ég hafi afar litlar áhyggjur um að mig langi það einhvern tímann. )  

  

Íslenskar konur mega bera brjóstin

7+119 = 226

Ég er nú ekkert afar góð í stærðfræði en þó veit ég að 7 + 119 gera ekki samanlagt 226. ..

Alveg er ég viss um að ég ekki sú eina sem fæ 126 úr þessu frekar einföldu reikningsdæmi.

Ítalir stöðva bát með 226 ólöglegum innflytjendum

hvor er sekari ?

hahah .. úbs =S

Hitti konuna í vændishúsi

milli svefns og vöku

Þessa dagana er ég búin að vera dunda mér við að skoða hvað ég þarf fyrir umsóknina mína í háskólann og svona. Ég er búin að senda ekki nema 9 mail – í kennara, aðstoðarskólastjóra og vinnur.  Og það gengur bara vel – held ég. Ég má samt í raun og veru ekki bíða mikið lengur með að gera þessa umsókn – eða byrja á henni allavega þar sem að ég panika bara ef ég byrja seinna og finnst þá vera að falla á tíma. Umsóknarfresturinn er svo þann æðislega dag 15 mars ;D ( EKKI nefna hvað gerist þá .. þið sem vitið það ) en ætli ég sendi samt ekki aðeins fyrr.

Ég sef alveg fáranlega illa þessa dagana, er alltaf á milli svefns og vöku – heyri fólk tala og finnst aðrir hlutir gerast ( einskonar draumur ) .. mér finnst ég vera í tölvunni, tala við fuglinn minn, .. bara gera allt þetta venjulega ... þó ég liggi upp í rumi. Fyrir utan það hvað þetta er óþæginleg tillfinning, þar sem þarna kemur fólk sem á heima á Íslandi, er dáið – eða ég þekki ekki, þá verð ég svoooo þreytt þegar þetta gerist, því ég er alltaf að gera eitthvað í þessum ”draumum”. EN þegar þetta gerist, þá veit ég samt að þetta er bara ”draumur”, því ég næ nefnilega að opna augun og svona á milli.

Þetta er ekki í fyrsta skiptið sem þetta gerist svona marga daga í röð – gerðist einu sinni heilt sumar, en þá bara þegar ég hafði farið aftur að sofa, eftir að hafa vaknað um morguninn eða nóttinni.

PiRRandi!

En hefur einhver annar lent í þessu – svona lengi / oft??